رواية (ذبحني غروري وعيني عيت تناديك

رواية (ذبحني غروري وعيني عيت تناديك

السلام عليكم ورحمة الله وبركاته
كيفكم ؟؟


ان شاء الله تمام


اليوم الرواية كووووول مرره حلوه
للكاتة مغيصان <<انا يعني
الرواية بعنوان
(ذبحني غروري ..وعيني عيت تناديك)


على فكره الروايه حصريه بالمنتدى هذا فقط <<احم احم شفتو شلون احبكم


((البارت الاول))


الخدامة سنتيا تدق الباب
لينا وهي تتمغط على السرير :مين ؟؟
سنتيا :انا سنتيا
لينا :ادخلي
سنتيا :بليز مدام لينا ماما تقول انزلي تهت
عشان فطور
لينا :زين ...زين ..خلاص
Out !!
سنتيا :اوكي مدام
قامت لينا وقعدت على السرير وشعرها الاسود متوسط الطول
مبعثر و مو مرتب (هذي بنت حلوه وتطير العقل
معروفه بيعيونها الواسعه ولون بشرتها الابيض
وخشمها الطويل الحاد وشفايفها الورديه ويميزها اكثر طولها
وجمالها اللي يميزها عن كل بنت )
:يووه تو الناس الساعه لسى 4
وقامت ولمت شعرها بكلبس وما بدلت بجامتها البنك
نزلت على الدرج
لقت امها على طاولة الطعام(ام خالد ,هذي ام لينا وهي حرمه بنص
عمرها
يميزها جمالها اللي ورثتة لينا منها وشعرها القصير
ولون بشرتها بس مو مره طويلة طبعا هي مدرسة بإحدى مدارس الشرقيه)
وخالد(هذا كبير العائلة وعمره 25وهو اكبر عيال ام خالد وابو خالد
طبعا وش اوصف خالد وش اقول ما شاء الله
لا قوة الا به صراحه ولد يخطف الانظار يتميز ببشرتة السمراء
وعيونه الحاده وكثرة رموشة و حواجبه العريضة شوي
وشفايفة الوردية وشعره الطويل شوي
طبعاً هو طالب اخر سنة بالجامعه
يتميز بالعقل والرزانه جذاب لابعد درجه وكتوم ما يحب يشكي همه لاحد )
وابوها (هذا سالم القاضي يشتغل باحدى الشركات
وهو مدير العام لهالشركه )
لينا :ما شاء الله العائلة الكريمة هنا ..ليش ماحد قومني ؟؟
خالد:ابد ماحد قومك بس سنتيا راجه ابو الدنيا ولا ماحد قومك(لان شغالتهم عله بالكبد
وتحب تناقر صغير العائله بتعرفونه بعدين !)
لينا :يوه منها هالخدامه كني نايمة على راسها
ام لينا:ههههههه لاحد يتكلم على شغالتي والله ماحد نافعني غيرها
ابو خالد:حمد لله
ام خالد:بدري تو الناس ..افطر!!
ابو خالد:لا والله حمد لله شبعت ..يلا انا تأخرت على دوامي
خالد ولينا: مع السلامة
بينما العائلة قاعده تاكل الا البيت بدا يرقص وموسيقى الروك بتكسر البيت
ام خالد:يا سعود !!! ......يا سعود ومرض !!
سنتيا يا سنتيا !!
سنتيا :نعم مدام !!
ام خالد:قولي لسعود يقصر على صوت المسجل ويمشي يفطر
سنتيا :اوكي مدام (عاد سنتيا استانست لانها تحب تناقر
سعود وتموت على مناقرته
لانه يتنرفز بسرعه ودايم تقوم الحرب بينهم )
عند غرفة سعود

سنتيا: سعــــــــــــــووود ....يا سعوووود بطل باب بسرعه !!
والله ترى فيه كسر ازا مافيه يفتح باب<<تمون الاخت
سعود فتح الباب :خير ان شاء الله يا عجوز قريش !!(سعود هذا فلاوي
لابعد درجه
وبايع الدنيا بريال وعايش حياته
ولد مررره حق مقالب ورقص وحركات وبركات
طبعا يميزه شعره السبايكي وبشرتة البرونزيه
وهو اول سنة بالجامعه ووجهه مو وجه دراسة
بس فالح بالمجمعات ويسمع هالاغااني الاجنبية
وفنانه لمفضلة (تو باك )
ويرج البيت رج اذا شغل المسجل )
سنتيا وهي حاطه يدها على خصرها :ماما تقول ...قولي لسعود ينزل عشان فتور
يلا يلا بسرعه انزل !!
سعود :خلاص يلا سوقيها ...
ويرجع يرقص
سنتيا تفتح الباب على اخر شي :يعني ما فيه يسمع كلام !! انت ماتفهم ؟
الحين الناس توها تقوم وتروه للمدرسا والعصافير تقوم وانتا ترقص؟؟<<وش دخل العصافير؟؟خخخخخ
سعود :احسن خذي النعال وطقيني !!
سنتيا :يلا انزل !!
سعود :اقول اذلفي يالعبده لالعن جدً جابك !!
سنتيا:لا ؟؟ احسن ادربي ؟؟
سعود :لا والله تبين نتضارب؟؟
سنتيا :يلا وري قوه انتا ؟؟وهي تشمر
سعود :اوف اوف !!! تبين تضاربين يالسيريلانكيه ؟؟<<ويناظرها من فوق لاتحت!!
سنتيا :ليه انا ما يسوى !!تايه من عينك ؟؟
انا وريك
سنتيا تسحب سعود ببيجامته وتطيح فيه ضرب
سعود : يلعن جدن جابتك يالشغاله !!
تعالي تعالي!!
ويتضاربون

ــــــــــــــــــــــــ
لينا :حمد لله ......يمه بتروحين الحين؟؟
ام خالد وهي تلبس العبايه :ايه خلاص تأخرت

شوي الا الصياح وااااااااااااااااااااااصل اخر الحاره
ام خالد تحط يدها على قلبها :يوه وش هالصياح ؟؟
لينا :والله مدري
خالد:يعني ما تعرفون ؟؟ اكيد سعود خابز الشغاله
ام سعود :يوو سنتيا !! سنتيا !!
لينا :لو انا طاقني سعود هالطق كله ما تخاف علي
كثر ما تخاف على هالسيريلانكيه !!
خالد:بتقنعيني الحين انك تغارين منها ؟؟
لينا :وليش ما اغار حبيبي !! ما خذه الدلال كله
خالد:ارحم يالدلال ..اقول سوقيها بس
لينا :انت اصلا ما عندك سالفه
ــــــــــــــــــ
ام خالد وهي تركض على الدرج من كثر الخرعه
الا والمنظر اللي قدامها !!
منظر لا يعلى عليه !!
تخيلو بس تخيلو
سعود طايح على الارض
وسنتيا فوقه وتعطيه من البكوس
ام خالد:سنتيا !!
سنتيا قامت :يا ماما هدا سعود بس يدرب انا
سعود :يلعن امها النصابه والله اني ما طقيتها انها هي اللي بدت
سنتيا :يا كداب انا مسكينه ماما هو بس يقول انتي سيريلانكيه سيريلانكيه!!
ليش يعني ليش؟؟
سعود :هي ليش تناقرني وش تبي توصله ؟؟
سنتيا:انت ما فيه كويس
ما فيه مثل بابا ابو خالد وخالد
انتا مثل لينا
سعود :يلعن امك لينا !! ليه وش قالو لك بنت ؟؟
تعالي والله ما تسلمين من يديني الحين !!
سنتيا راحت ورى ام خالد
ام خالد :يا سعود لا ترد عقلك بعقلها هي مسكينه لا حول لها ولا قوه
سعود :يوووووه طفشتيني يا يمه وياها ..تراها تترفس في حوض بطني وانا ما ودي
اضربها لاني عارف الافلام الهنديه اللي تسويها عند ابوي غير ما عليه يالسيريلانكيه
سنتيا :وش فيه سيريلانكي ؟؟هاه؟؟
سعود :تردين بعد تردين ؟؟تعالي
سنتيا :ااااااااااااااااااااي
وراحت تركض تحت
ـــــــــــــــــ
لينا :خالد ودي توصلني اليوم !!
خالد:انا.....
سنتيا: بابا خالد ..شوف سعود يضرب انا
سعود :تعالي يا السيريلانكيه
خالد:خير خير هاه هاه اش فيه ؟؟
سعود :ابد ما غير هالسيريلانكيه دابلتن كبدي
كل يوم مشاكل
خالد :وش سويتلها ؟؟
سعود :ما سويت شي هي اللي بدت
خالد :خلاص انقلع البس وانزل بسرعه لاننا تاخرنا وبنوصل لينا على طريقنا
سعود :اوه ليون كيفك ؟؟
لينا:تمام ..بس ياليت تخلص بسرعه
سعود :تامرين امر يا اختي العزيزه
ويوم طلع من عند باب الصالون
لف وهو عند الدرج
:اوه سيريلانكيه ياليت تضبطين لنا اكل حلو لان ربعي
بيجون وياي بعد الجامعه !!
سنتيا :تحذه بهالنعول لا يا حبيبي ..انا سنتيا السيريلانكيه يسوي
ما انتا يا سعود التراب!!
لينا وخالد:هههههههههههه

لينا :يمه خلاص بروح مع اخواني قولي لسايق مارح اروح معاه
لاني ما ابغى اتأخر على المدرسة (على فكره لينا ثالث ثانوي )
ام خالد:اوكي يلا باي
خالد:مع السلامه
لينا :زين مدام خالد اللي بيوديني اجل بتأخر شوي
طلعت ام خالد
رمت لينا نفسه على الكنبه
وقعدت تقلب بالقنوات
خالد:اقول ورى ما تروحين تخلصين انا ماني فاضي
وراي جامعة
لينا:تو الوقت
خالد :اقول قومي يلا فاضي لك
لينا:زين زين لا تنافخ !!
وطلعت على الدرج عشان تروح تلبس

سعود نازل من الدرج :خلصت يا مدام ليونه
لينا:ههههه حلو تسمع الكلام يا سعود
سعود : اوه مستر خالد لسى ياكل
خلاص يرحم امك يا شيخ يعني فيه ناس ما افطرو
ويبون يفطرون ..فقم لو سمحت
خالد:على راسك ..؟؟ بعدين ما من حلالك شي
سعود:كوووول امي راحت اجل يلا بسحب على الجامعة اليوم (هذي
حركة سعود يتأخر لين تطلع امه واذا طلعت يسحبة نومها)
ويرجع يبغى يطلع على الدرج
الا خالد ماسكه مع بلوزتة من ورى زي الفار :ورى ما تلبس وتخلصني
ماني فاضيلك
سعود وهو يسحب له كرسون :اوكي بس بروح ابدل
لينا وهي نازل:وهاذاني خلصت يلا يا استاذ خالد
خالد:الاخ توه خلص فطوره ..بيروح معنا
لينا:خل السايق اذا جا يوديه !!
خالد:لا!! هذا ما ينعطى وجه اذا فضى البيت بيروح ينام
لينا:هههههههههه
يجنن سعود ساحب على الدنيا
خالد وهو يناظر جهة الدرج :سعووودوه سعودوه وصمخ !!
سعود نازل ويرتب كتبة اللي فوق بعض :زين خلاص نزلنا
ركبو السياره وفحطو على مدرسة لينا

لينا وهي نازلة :يلا شباب باااااي
خالد وهو مفحط : باااااااااااااي
دخلت لينا المدرسة

لينا :السلام عليكم
عبير وريم :وعليكم السلام !! اهلين ست الحسن والدلال وش مأخرك ؟؟
لينا:ابد والله قلت اجي مع خالد
وهو اللي اخرني
سديم كانت ورى لينا لما جات
سديم :السلام عليكم
البنات :وعليكم السلام
سديم :ليون ..قلبي انتي من اللي جابك اليوم ؟؟
لينا :خالد
سديم :هذا خالد!! اخيرا شفته
ريم :يا حضك شفتية
عبير:ودي اشوفه ذالولد ولا ربي كتبلي
ريم :هو بيجي ياخذك بالصرفه ؟؟
لينا :لا طبعا السايق
عبير:مالت عليك وليه ما يجيبك
لينا :خلاص الله يرجكم ازعجتوني !!
طبعا الحين على اخر السنة
يعني الصيفية جايه
كان يوم الشهادات
لينا ناجحه ونسبتها 97<<ما شاء الله دافورررره
اما الاخ سعود حامل 4 مواد <<وش بقى ؟؟
خالد تخرج
وبيروح بعثه بالسنه الجديده
ــــــــــــــــــــ
لينا كانت نازله من الدرج :اهلا اهلا خالد جالس في البيت وش عندك غريبه ؟؟
خالد :ابد بس حاس اني بشتاق له
لينا:اوما ..عليك هياط !! ابن امه ما يجيبه
خالد :هههههههههه يا حليلك يا ليون والله لرح اشتاق لك
لينا:خلاص خلاص لا تسوي افلام هنديه ويعنني ادري فيك جلف
الا ما قلت لي ما قضيت لسفره ؟
خالد:اوما !! اقضي الحين !!؟ تو الوقت بعدين اذا جا وقت السفره
رحت خذيت كم قميص وكم جينز وصلى الله وبارك
لينا :نعم ؟؟ وشو وشو ؟؟سمعني وش قلت ؟؟
حبيبي انت بتروح لندن !! تعرف شنو لندن ؟؟
يعني لازم تكون انيق
خالد:تكفين يا الانيقه !!
لينا :طبعا انيقه وغصب عن عينك
شوف حبيبي انا ما يعجبوني اللي كذا ؟ مو شيك ؟؟
لازم نروح انا وياك !!
خالد:وين نروح ؟؟
لينا :يعني وين ؟؟ لفؤاد سنتر يقولون مرررررررره تخفيضات
خالد:يمه منكم يالبنات !! ما يطوف عليكم شي بالسوق !!
لينا :اكيد يا حبيبي !! انا اختك لينا اضبط لك الوضع عدل !!
خالد:تسلمين يا ليون .. طيب بما انك انيقه واوم الذوق وش رايك بلبسي ؟؟
لينا :هاه نقدر نقول نك انيق ؟!!
خالد:يوه لينا ..والله بجد اتكلم !!
لينا: لا والله روعه
خالد:اكيد ؟؟
لينا:ولو !!
(خالد كان لبسه قميص ابيض وبنطلون جينز وشعره ناعم واسمر يعني شكله كووول)
وطلعت لينا تجيب عبايتها وركبت السياره هي وخالد
ووصلو فؤاد
وراحت لينا تفحط هي واخوها يقضووون لمشوار لندن اللي ما ينعرف وش وراه
وهم مبسوطين
ولما خلصو
كانت لينا هلكانه :اااااااااوف
خالد:ليون شفيك
لينا:بس خلاص طفى نوري ..دخت من كثر الفرفره وياك
خالد:ولا يهمك ..ابشري باللي يقهويك يلا تعالي
لينا :وين
خالد:مو تقولين راسك يعورك
لينا:ايه !!
خالد:طيب وش رايك ناخذ لنا كوفي ولا موكا في ستار بوكس
لينا:لا خلاص خلينا نروح للبيت
خالد:افا ليون ..تردين اخوك ؟؟؟
لينا :مدامك مصمم !! خلاص اوكي يلا
طبعا ينا وخالد مبسوطين ويفرفرون
وام خالد وابو خالد معزومين على عزيمه
البيت ما فيه غير سنتيا اللي تنظف قايم قاعده
شوي الا سيارتين وقفت عند الباب

وكان من ضمنهم سعود

ودخلو للمجلس بدون ما تحس فيهم سنتيا

قام سعود ودخل شلته

سعود :يا حليه الشباب

الشباب:الله يحييك

سعود :يلا شباب اجيب البلاستيشين ؟

هشام :يلا سعودوه ما بغيت

سامي :عاد من زمان ما لعبت يلا

تركي: يوه طفشتونا ترى خلاص كبرنا

الشباب:هههههههههههه تكفى يالشايب

وجلسو يلعبون وضحك

وراح سعود للحمام (الله يكرمكم )

وهو مار من عند الدرج

سمع صوت انكسر وصياح سنتيا واصل اخر البيت

مشى سعود لين المطبخ وناظر

الا سنتيا مفحطه في الصحون وتلعن خيرها

سعود في نفسه :ابشري باللي يتوطى بحوض بطن

امي مو موجوده ولا ابوي وشوفي من اللي بيفرعنا

دخل على الشله وقالهم ان البيت فاضي

وشلته يدرون بسوالف سنتيا وياه

صالح :حلو حلو البيت فاضي !!

هشام :يلا يا تركي انت ابو الافكار ورينا

تركي :تبي يا سعود تخليها تحرم تمرمن عند باب غرفتك

سعود :ايوالله

تركي :خلوها لي بروح شوي واجي بالعده

سعود :وشي عدته انا ما ابي اذبحها بس بخوفها

تركي :داري استنوني

وراح تركي ورجع في ثواني

واول ما وصل فتح الكيس

تدرون وش فيه؟؟

طراطيع !!

ودخلو البيت التسعه تخيلو !!

وشوي شوي

لما وصلو للمطبخ وكانو فوق بعض

سعود :اذا عديت لين ثلاثه كلكم ترمون الطراطيع

الشباب :اوكي

سنتيا الضعيفه اللي مالها لا حول ولا قوه

سعود:واحد ..اثنين .. ثلاثه

الشباب بس مجرد ما وصل ثلاثه رمو الطراطيع

ومشو لما وصلو الصالون وضحكهم واصل اخر البيت

في نفس الوقت كان الباب حق البيت انفتح

ودخلت لينا وخالد

خالد: السلام عليكم هاي(ويأشر على سعود ) وشو ذا الصوت ؟؟

لينا استحت لان البيت كان كله شباب

ـــــــــــــــــــــــــــــــــ

اش رح تكون احداث القصة ؟؟

سنتيا الضعيفه وش بيصير فيها ؟؟

وين بسفرون في الصيف؟؟

الجواب بالبارت الثاني

ــــــــــــــــــــــــ

معليش بس شكلي رح اتأخر وانا انزلها لاني لسع ما خلصتها

لكن ما حبيت تطول غيبتي اكثر من كذا

وبحاول انزلها لكم بسرعه